២១ៈ មេដឹកនាំពិភពលោក២១រូប នាដើមសតវត្សរ៍ទី២១

ប្រែសម្រួល/រៀបរៀងដោយ ឈុំ សីហា
ISBN 9789924914174
បោះពុម្ភៈ និង​ ចែកចាយ ហាតប៊ុក
ថ្ងៃខែឆ្នាំបោះពុម្ភ November 01, 2017
បោះពុម្ពលើកទី 1
ទំព័រ 318
តម្លៃ 20,000 ៛
លេខកូដសៀវភៅ HBC-019

ពិពណ៌នា:


ក្រោយសាទរសហសតវត្សរ៍ថ្មី នៅដើមសតវត្សរ៍ទី២១ ​ពិភព​លោក​​បាន​ឆ្លង​​​កាត់នូវ​ព្រឹត្តិការណ៍ធំៗ​ជាច្រើន។ បញ្ហាភេរវកម្ម បដិវត្តន៍ អារ៉ាប់ បញ្ហាអាវុធ​នុយ​ក្លេ​អ៊ែរនៅកូរ៉េខាងជើង និងអុីរ៉ង់ បញ្ហាវិបត្តិសេដ្ឋកិច្ចនៅអឺរ៉ុប ជម្លោះរាំរ៉ៃនៅមជ្ឈិម​បូព៌ា ជម្លោះនៅអឺរ៉ុបខាងកើត ការលេចត្រដែតនៃមហាយក្សចិន បញ្ហាសមុទ្រចិន​ខាង​ត្បូង ការរង្គោះរង្គើនៃសហភាពអឺរ៉ុប ការ​កកើត​​​អង្គការ​រដ្ឋ​អុីស្លាម​ជាដើម សុទ្ធ​តែ​ជា​ព្រឹត្តិការណ៍​​​សំខាន់​របស់ពិភពលោកដែលបានកើតឡើង និង​បន្ត​កើតឡើងក្នុង​រយៈពេលមិនដល់​២០​ឆ្នាំ​ផងក្នុងដើម​សតវត្សរ៍​​​ទី២១នេះ។ ជាមួយ​ព្រឹត្តិ​ការណ៍​​គួរឲ្យចាប់អារម្មណ៍ និងជាប្រយោជន៍ក្នុងការ​ពិចារណា ឯខ្ញុំបែរ​ជា​​​សរសេរ​​​​​រៀបរាប់​លំអិតច្រើន ​អំពីដំណើរ​ជីវិត​​របស់មនុស្សមួយក្រុម​ទៅវិញ។ ការលំអិតអំពីប្រវត្តិរបស់បុគ្គល ពីព្រោះបុគ្គលទាំងនេះហើយដែលជាប់ពាក់ ព័ន្ធនឹងព្រឹត្តិការណ៍ពិភពលោកទាំងនោះ។

លេខ «២១» គឺសំដៅទៅរកចំណុចប្រសព្វសំខាន់ពីរ គឺតំណាង ឲ្យចំនួន​មេដឹកនាំ​២១រូប និងដើម​សតវត្សរ៍​ទី២១។ ខ្ញុំបានរៀបរាប់             ជីវប្រវត្តិលំអិតគួរសម របស់​មេដឹកនាំពិភពលោកល្បីល្បាញចំនួន២១រូប ជាមួយព្រឹត្តិការណ៍នានាដែល កើតក្នុងកំឡុងពេលនៃការកាន់អំណាចរបស់គាត់ និងដោយសារពួកគាត់។ តើពួក​គាត់​ជានរណា?​ កើត​ពេល​ណា? ក្នុងគ្រួសារបែបណា? ទទួលបានការ​អប់រំកម្រិត​ណា? ចូលសង្វៀន​នយោបាយ និងបានកាន់កាប់អំណាចដោយរបៀបណា? តើចាក​ចេញពីអំណាចដោយរបៀបណា? តើមាន​ព្រឹត្តិការណ៍​អ្វីខ្លះ​កើតឡើងក្នុងកំឡុងនៃ​ការ​កាន់តំណែងរបស់គាត់? ​តើគាត់មាន​ជីវិតផ្ទាល់ខ្លួន ឬ​ឯកជន​បែបណាខ្លះ? ហើយអ្នកខ្លះទៀត ត្រូវបញ្ចប់ជីវិតបែបណា? សុទ្ធតែជាអ្វីដែលសៀវភៅនេះនឹងបកស្រាយ។ ម្យ៉ាងវិញ​ទៀត ពីថ្ងៃទី១ ខែមករា ឆ្នាំ២០០០ ដល់បច្ចុប្បន្ន ជាដែនកំណត់​ដែល​ត្រូវយកមកសិក្សា​ស្រាវជ្រាវ និងចងក្រង ប៉ុន្តែក៏មានខ្លះដែរព្រឹត្តិការណ៍ពីសតវត្សរ៍មុនដែលត្រូវប្រទាក់​ក្រឡាគ្នាមកដល់ដើមសតវត្សរ៍នេះ។

មាតិកា:


១. លោក​ វ៉ា្លឌីមៀរ ពូទីន (រុស្ស៊ី)

២. លោក បារ៉ាក់ អូបាម៉ា (សហរដ្ឋអាមេរិក)

៣. លោក ស៊ី ជិនពីង (ចិន)

៤. លោក មូអាម៉ារ អាល់កាដាហ្វី (លីប៊ី)

៥. លោក បាហ្សារ​ អាល់ អាសាដ (ស៊ីរី)

៦. លោក គីម ជុងអុីល (កូរ៉េខាងជើង)

៧. លោក គីម ជុងអ៊ុន (កូរ៉េខាងជើង)

៨. លោក អូសាម៉ា ប៊ីនឡាដិន (អាល់កៃដា)

៩. លោក ចច ដាប់ប៊លយូ ប៊ូស (សហរដ្ឋអាមេរិក)

១០. លោក សាដាម ហ៊ូសេន (អុីរ៉ាក់)

១១. លោក តូនី ប្លែរ (ចក្រភពអង់គ្លេស)

១២. លោក ដាវីដ កាមេរុន (ចក្រភពអង់គ្លេស)

១៣. លោកស្រី អង់ហ្គេឡា មឺកែល (អាឡឺម៉ង់)

១៤. លោក ស្តេហ្វិន ហាភឺរ (កាណាដា)

១៥. លោក ចាស្ទីន ឌ្រូដូ (កាណាដា)

១៦. លោក ដាប់ដុល កាឡាំ (ឥណ្ឌា)

១៧. លោក ណារិនដ្រា មូឌី (ឥណ្ឌា)​

១៨. លោក យ៉ាស៊ែរ អារ៉ាហ្វាត (ប៉ាឡេស្ទីន)

១៩. លោក បេនចាមីន នេតាន់យ៉ាហ៊ូ (អុីស្រាអែល)

២០. លោក ហ្រ្វង់ស្វ័រ ហូឡង់ (បារាំង)

២១. លោក ឌីមីទ្រី មេដវ៉េដេវ (រុស្ស៊ី)